მომსახურების სააგენტომ „საგზაო მოძრაობის შესახებ“ ჟენევის 1949 წლის 19 სექტემბრის კონვენციით გათვალისწინებული საერთაშორისო მართვის მოწმობის გაცემა დაიწყო.
საერთაშორისო მართვის მოწმობა გაიცემა ერთი წლის ვადით, ეროვნული მართვის მოწმობის საფუძველზე.
„დოკუმენტი მოქმედებს საქართველოს ფარგლებს გარეთ ჟენევის კონვენციის წევრ ქვეყნებში. ჟენევის კონვენციის წევრი ქვეყნების ჩამონათვალი იხილეთ ბმულზე: https://shorturl.at/oDUTR
მომსახურების სააგენტოს მიერ, ასევე „საგზაო მოძრაობის შესახებ“ ვენის 1968 წლის 8 ნოემბრის კონვენციით გათვალისწინებული საერთაშორისო მართვის მოწმობა გაიცემა, რომელიც მოქმედია 3 წლის ვადით. დოკუმენტი მოქმედებს საქართველოს ფარგლებს გარეთ ვენის კონვენციის წევრ ქვეყნებში.
ვენის კონვენციის წევრი ქვეყნების ჩამონათვალი იხილეთ ბმულზე: https://shorturl.at/meBqd
საერთაშორისო მართვის მოწმობის მისაღებად საჭიროა დაინტერესებულმა პირმა მომსახურების სააგენტოში წარმოადგინოს: პირადობის დამადასტურებელი დოკუმენტი, ეროვნული მართვის მოწმობა“, – აღნიშნულია ინფორმაციაში.
როგორ უნდა აიღოთ საერთაშორისო მართვის მოწმობა და სად იმოქმედებს დოკუმენტი?
ამ დოკუმენტით თავისუფლად შეძლებთ გადაადგილებას ისეთ ქვეყნებში როგორიცაა: აშშ, ირლანდია, იაპონია, კანადა, არგენტინა და სხვა. ვენის კონვენციის წევრი ქვეყნების ჩამონათვალი იხილეთ ბმულზე.
„მომსახურების სააგენტო, ასევე, გასცემს ვენის კონვენციით გათვალისწინებულ საერთაშორისო მართვის მოწმობებს. მას დაემატა ჟენევის კონვენციით გათვალისწინებული მართვის მოწმობები, რაც გულისხმობს, რომ საქართველოს მოქალაქეები ისარგებლებენ აღნიშნული მართვის მოწმობით ისეთ ქვეყნებში როგორიცაა: აშშ, კანადა, ირლანდია, იაპონია და.ა.შ.
აუცილებელია, საქართველოს მოქალაქემ წარმოადგინოს – ეროვნული მართვის მოწმობა და პირადობის დამადასტურებელი მოწმობა“, – აცხადებს შსს-ს მომსახურების სააგენტოს რუსთავის ცენტრალური დეპარტამენტის უფროსი ზურაბ კიკნაძე.
