ინდოეთში, უტარ-პრადეშის შტატში მგლები სოფლებს თავს ესხმიან. ერთ-ერთ სოფელში, დენის წასვლისთანავე მგლები გამოჩნდნენ და მძინარე 4 წლის ბავშვი გაიტაცეს. ინფორმაციას BBC ავრცელებს.
მედიის ცნობით, გოგონა მეორე დღეს, საკუთარი საცხოვრებელი სახლიდან 500 მეტრში, შაქრის ლერწმის მინდვრებში გარდაცვლილი იპოვეს.
გოგონას დედას განცხადებით, მგლები შუქის ჩაქრობიდან 2 წუთში გამოჩნდნენ, სიბნელის გამო კი გოგონას გატაცება ოჯახში ვერ შენიშნეს.
რამდენიმე დღის წინ, ახლომდებარე სოფელში მგელი 8 წლის მძინარე ბავშვის გატაცებას ცდილობდა, თუმცა დედამ ცხოველი დროულად შეამჩნია და შვილის გადარჩენა შეძლო.
აპრილიდან მოყოლებული, ინდოეთში, ბარხაიჰის რაიონში, ნეპალის საზღვართან მდებარე სოფლებში, მგლების 30-ზე მეტი თავდასხმა დაფიქსირდა. მგლებმა 9 ბავშვი და ერთი ზრდასრული გაიტაცეს და მოკლეს.
